Cette page contient les prières usuelles du chrétien (Notre Père, Je vous salue Marie, Viens Esprit Saint etc...) en langue Beti et d'autres informations pratiques qui pourraient intéresser ceux qui se passionnent pour la culture, le cameroun et les autres thèmes soutendus par le terme "héritage ancestral".
Mbembë ntud ngòn mininga Maria
A mbembë ntud ngòn mininga Maria, tsok anë labëye ki wogoban na, mot angasò mbil abë wa, në oka nye, okogëlan fë asu die, ndò ongatëb nye. Amu mayem nala, ndò mesò mbil abë wa, a ngòn mininga, walod ngòn bininga esë ; a nna, mesò mayon abë wa, me mbe. A nyia Mòn Zamba, të watëb ngogëlan dzam ; vogolo, obò fë ma anë mayi. Amen
A Yesu, a Maria, a Yosef, mavë mina nnem wam ai nsisim wòm ai enyiñ dzam !
A Yesu, a Maria, a Yosef, mika me abok awu dam !
A Yesu, a Maria, a Yosef, bòan në mewu mvyè, mebaman ai mina eyòñ ! Amen
Mfufub (erts)engeles Mikael
A Mfufub ertsengeles Mikael kaman ai bia a bita ; bò nkala wan a metom ai melam me satan ; Zamba abamañ ai nye, eyë biakogolan nala ; wa ya onë nkukuma minkunda ya yob, fëbelë satan ai bebe minsisim mihòk ya myakë myandaman minsisim a si, a doan kòm, asu ngul Zamba. Amen
Veni Sancte Spiritus (Za a Mfufub Nsisim)
Za a Mfufub Nsisim, odzala minnem beyëbë boe, okoe fë ndoan ediñ dzoe abë bia.
Lom Nsisim woe, esë eman komban ;
Onyëbë fë si eben.
Nkogolan : A zamba ongaman yegëlë minnem beyebë ai mfyè Mfufub Nsisim, bò asu Mfufub Nsisim te na, bibëlë zam ya mbëñ, bikare fë tak ai ehòli dzie kòm esë, asu Kristu te Nti wan. Amen
Mbëmbë Yesu…
A mbëmbë Yesu ya wayean ai ediñ, yeneñ makud wa mebòñ, ndò fë makogolo ai wa asò ma abum a si, bò në metoan wa yëbë, mefidi fë wa, mediñ fë wa, bò fë në mesingi minsem myam bëbëla ; mebeban fë na, mayi ki fë bade sem, ai ntsogan matsok mevëñ metan moe, mebëlë mfañ mintye etere, mesoñ bibuk bi profet David, ya angakad abë wa na, a mbëmbë Yesu : " Bengatub mò mam, ai mekol mam, ndò fë bengalañ bives byam bisë. "
Contacter le groupe 
Accueil